სერგი კაპანაძე არ გამორიცხავს, რომ „ნაციონალურ მოძრაობაში“ იყვნენ ადამიანები, რომელთაც პარლამენტში შესვლა სურთ.
ამასთან, როგორც სერგი კაპანაძემ განაცხადა, გააგრძელებენ მშვიდობიან მანიფესტაციებს, თუმცა პარალელურად, მზადყოფნას გამოთქვამენ ხელისუფლებასთან დიალოგზე საერთაშორისო პარტნიორების მონაწილეობით.
„მაგრამ, მე რაც ვიცი, პარტიის პოზიცია, „ნაციონალური მოძრაობიდან“ არის სრული მზადყოფნა იმაზე, რომ პარლამენტში არ შევლენ. ჩვენ ოპოზიციური პარტიები შეთანხმებულები ვართ, რომ ვიბრძოლებთ, რაც ეს გაყალბებული არჩევნები არ შედგეს და ამის შედეგად არ დაკომპლექტდეს პარლამენტის, რომელსაც ლეგიტიმურობა არ გააჩნია. ამიტომ, ჩვენი არჩევანი გულისხმობს იმას, რომ გავაგრძელებთ მშვიდობიან მანიფესტაციებს, ოღონდ პარალელურად მზად ვართ ხელისუფლებასთან დიალოგზე საერთაშორისო პარტნიორების მონაწილეობით იმ მთავარ საკითხზე, რასაც ქვია ახალი არჩევნები”, – განაცხადა სერგი კაპანაძემ.