პირველად მის განცხადებას რა თქმა უნდა, მოჰყვა სრულიად სამართლიანად რეაქციები. შემდეგ მაშინვე განმარტა და რაც განმარტა, იმას დავეთანხმები, – ამის შესახებ საქართველოს ყოფილმა პრეზიდენტმა, უკრაინის რეფორმების აღმასრულებელი კომიტეტის თავმჯდომარემ, მიხეილ სააკაშვილმა გრიგოლ ვაშაძის განცხადებასთან დაკავშირებით აღნიშნა.
მისივე თქმით, ლიდერია ის, ვინც წინა ხაზზე იბრძვის, მათ შორის ისინიც, ვინც შაბათს აქციაზე გავლენ.
„პირველად მის განცხადებას რა თქმა უნდა, მოჰყვა სრულიად სამართლიანად რეაქციები. შემდეგ მაშინვე განმარტა და რაც განმარტა, იმას დავეთანხმები. ძალიან კარგი ადამიანია, მაგრამ ყველა ლიდერი ის კი არ არის, ვისაც თანამდებობა აქვს, ლიდერი არის ის, ვინც წინა ხაზზე იბრძვის. ყველა ახალგაზრდა, ყველა პოლიტიკოსი, ვინც წინა ხაზზე იბრძვის, ვინც არ უშინდება, ახალ რაღაცას იგონებს. სახელებით და გვარებით კიარ ვოპერირებთ. თითოეული თქვენგანი, ვინც მიყურებს და ხვალ გავა ქუჩაში, ის იქნება ლიდერი“, – განაცხადა მიხეილ სააკაშვილმა.