ამირან გამყრელიძის თქმით, არსებობს დაავადების, მათ შორის კორონავირუსისგამოვლენილი შემთხვევები და ასევე ე.წ. შეფასებითი მაჩვენებელი, რომელიც სხვადასხვა ფორმით დგინდება. მისი თქმით, საერთაშორისო ორგანიზაციების შეფასებით, რომლებიც COVID-19-ის მიმდინარეობის პროგნოზირებით არიან დაკავებულები, 3 ათასი ლაბორატორიულად დადასტურებული შემთხვევის გამოვლენა იმის ნიშანია, რომ შესაძლოა დღიურად ახალი ინფიცირების მაჩვენებელი ორჯერ მეტი იყოს.
„დღევანდელი პროგნოზირებით, ევროპაში ვლინდება 1/5 ინფიცირებული ადამიანების. როცა ვამბობთ, რომ დილით მსოფლიოში 54 მილიონი ადამიანია ინფიცირებული, ეს არის ვინც ლაბორატორიულად დადასტურებული ინფიცირებულია. სინამდვილეში, მსოფლიოში დაახლოებით უნდა იანგარიშოთ სულ მცირე 2-3-ჯერ მეტი ინფიცირებული ადამიანი, ვიდრე 54 მილიონი. მაგრამ ეს არის ხალხი, ვინც არის ძირითადად მსუბუქი, უსიმპტომო, ვისაც ინფექცია, ასე ვთქვათ, ფეხზე გადააქვთ და შეიძლება ისინი არც გამოვლინდნენ“,– განაცხადა გამყრელიძემ.