„რუხის მრავალპროფილური კლინიკა არის ის მნიშვნელოვანი ხიდი, რომელიც ყველაზე მთავარ ფასეულობაზე – ადამიანის სიცოცხლესა და ჯანმრთელობაზე გადის“, – ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ განაცხადა.
ანგარიში წარდგენისას, ეკატერინე ტიკარაძემ ყურადღება იმ პასუხისმგებლობასა და გამოწვევებზე ისაუბრა, რომელიც კოვიდ პანდემიის პირობებში კრიტიკულად მნიშვნელოვანია. მინისტრის განცხადებით, მიმდინარე რეფორმების ერთ-ერთი მთავარი მიზანი, მაღალი ხარისხის სამედიცინო მომსახურების გეოგრაფიული და ფინანსური ხელმისაწვდომობაა.
„აქ გავლებული ყველა პირობითი ხაზი ქარწყლდება და რჩება მთავარი – მხარდაჭერა, ზრუნვა და ერთიანობა. დღეს რუხიდან ერთი წლის ანგარიშს ვაბარებ მთელ საქართველოს. ამიტომ მივმართავ, როგორც ენგურს იქით, ასევე აქეთ მყოფ ჩვენს თანამემამულეებს. მე ანგარიშს ვალდებული ვარ თითოეული თქვენგანის წინაშე,“- განაცხადა ეკატერინე ტიკარაძემ.