„ნაციონალური მოძრაობის“ თავმჯდომარემ ნიკა მელიამ „გირჩის“ ლიდერს იაგო ხვიჩიას სათამაშო პისტოლეტი აჩუქა. ისინი იაგო ხვიჩიას სკანდალური განცხადების შემდეგ ერთმანეთს „ტვ პირველის“ სტუდიაში შეხვდნენ.
გადაცემის წამყვანმა ნიკა მელიას ჰკითხა, რატომ შეაშინა იაგო ხვიჩია ისე, რომ ხვიჩია იარაღის ტარებას ითხოვდა. „ხელცარიელი არ მოვსულვარ. საჩუქარი მოვუტანე იაგოს“, – განაცხადა მელიამ და ხვიჩიას სათამაშო პისტოლეტი გადასცა.
„სათამაშო ყოფილა, ნამდვილი მეგონა. ერთმა მელიის ტყავი მაჩუქა და ახლა ამასთან ერთად დავკიდებ“, – დასძინა „გირჩის“ წარმომადგენელმა მელიას პასუხად. „მოითხოვე და მიიღე“, – უთხრა ხვიჩიას მელიამ.
პოლიტიკური გაერთიანება „გირჩის“ თავმჯდომარემ, იაგო ხვიჩიამ 25 იანვარს „ტვ პირველის“ ეთერში განაცხადა, რომ ნიკა მელია მას დაემუქრა და თავის დასაცავად იარაღის ტარების უფლება მოითხოვა.