საქართველოს პრემიერ-მინისტრი ირაკლი კობახიძე გაეროს გენერალური ასამბლეის 81-ე სესიის ფარგლებში მაღალი დონის მრგვალი მაგიდის დისკუსიაში მონაწილეობას სოციალურ ქსელ X-ში ეხმაურება.
მთავრობის მეთაურის თქმით, საქართველო ერთგულია გაეროს წესდებისა და წესებზე დაფუძნებული საერთაშორისო წესრიგის მიმართ.
„მაღალი დონის პანელზე, სახელწოდებით „მშვიდობის დაპირების განმტკიცება ჩვენს ხელთ არსებული ძალის გამოყენებით“ მქონდა შესაძლებლობა, ხაზი გამესვა დიპლომატიის, კონფლიქტების პრევენციისა და დავების მშვიდობიანი მოგვარების მნიშვნელობისთვის. კიდევ ერთხელ დავადასტურე საქართველოს ერთგულება გაეროს წესდებისა და წესებზე დაფუძნებული საერთაშორისო წესრიგის მიმართ”, – აღნიშნავს პრემიერ-მინისტრი.
At the High-Level Panel on “Reaffirming the Promise of Peace: Using the Power We Have,” I had the opportunity to underscore the importance of diplomacy, conflict prevention and peaceful settlement of disputes. I once again reaffirmed 🇬🇪’s commitment to the UN Charter and the rules-based international order.
— Irakli Kobakhidze (@PM_Kobakhidze) September 23, 2026