„ნაციონალური მოძრაობის“ 19 აქტივისტი, რომელიც ცოტა ხნის წინ დააკავეს, ხელწერილის საფუძველზე გათავისუფლდა, – ამის შესახებ „იმედინიუსს“ შინაგან საქმეთა სამინისტროში განუცხადეს.
როგორც უწყებაში აცხადებენ, აქტივისტები ადმინისტრაციული კოდექსის 173-ე მუხლით იყვნენ დაკავებულები, რაც პოლიციელის კანონიერი მოთხოვნისადმი დაუმორჩილებლობას გულისხმობს. სულ 20 პირი იყო დაკავებული.
„ნაციონალური მოძრაობის“ აქტივისტები პარლამენტის წინ კარვების დადგმას აპირებდნენ, რისი უფლებაც მათ სამართალდამცველებმა არ მისცეს.
არსებული ინფორმაციით, ცოტა ხნის წინ, პარლამენტთან დააკავეს „ლელოს“ 5 წევრიც. მათ შორის არიან საბა ბუაძე და ირაკლი კუპრაძე.
კომენტარები