ზაზა გახელაძის ოჯახი, ინცინდენტების პრევენციისა და მათზე რეაგირების მექანიზმის ფარგლებში, სამუშაო შეხვედრას ელოდება. შეხვედრა ერგნეთში, სავარაუდოდ, მარტის პირველ რიცხვებში ჩატარდება. ოჯახს ახალი ინფორმაცია უკანონოდ დაკავებულ მამაკაცზე არ აქვს, მათ არც გახელაძის ადვოკატი დაკავშირებია.
ბოლო საუბრისას, მან მხოლოდ ის აცნობა ოჯახს, რომ ზაზა გახელაძე ე.წ. უზენაესი სასამართლოს განაჩენის გასაჩივრებას არ აპირებს. ოჯახმა „წითელ ჯვარს“ მიმართა ამანათისა და წერილის შეგზავნის შესახებ, თუმცა, ეს როდის მოხერხდება, ახლა დეფაქტო ცხინვალის „ნებართვაზეა“ დამოკიდებული.
კომენტარები