ლონდონში ქალის მკვლელობასთან დაკავშირებით გამართულ საპროტესტო აქციაზე რამდენიმე ადამიანი დააკავეს. ქალთა მიმართ ძალადობის გასაპროტესტებლად ლონდონის ცენტრში მსვლელობა მოეწყო.
მოგვიანებით, დემონსტრანტები პარლამენტის შენობასთან და პოლიციის ოფისთან შეიკრიბნენ.
33 წლის სარა ევერარდი 3 მარტს ლონდონის სამხრეთ ნაწილში გაიტაცეს. რამდენიმე დღეში, სამართალდამცველებმა ქალის ცხედარი ტყეში აღმოაჩინეს. გატაცებასა და მკვლელობაში ბრალი წაუყენეს პოლიციის ოფიცერს, 48 წლის უეინ კაზენსს.
გასულ კვირაში, ლონდონში სარა ევერარდის მკვლელობის გამო გამართულ აქციაზე დემონსტრანტებსა და პოლიციას შორის დაპირისპირება მოხდა.
კომენტარები