დარწმუნებული ვარ, ჩვენი ექიმების ერთობლივი ძალისხმევით ძალიან მალე შევძლებთ და გვექნება საიმედო გამოსავალი, – ამის შესახებ საქართველოს ჯანდაცვის მინისტრმა, ეკატერინე ტიკარაძემ სამინისტროში გამართული იმუნიზაციის ექსპერტთა ჯგუფის შეხვედრის დასრულების შემდეგ განაცხადა.
მისი თქმით, რეგულირების სააგენტო დღის 16:00 საათზე იმყოფებოდა კლინიკაში და მათი მხრიდან მოხდა დეტალური შესწავლა.
„რაც შეეხება დღეს დამდგარ ფაქტს, საბჭოს მთავარი სამსჯელო იყო ექთანთან მიმართებაში დამდგარი ფაქტის გაანალიზება, რის საფუძველზეც მივიღეთ გადაწყვეტილება, რომ გვერდითი მოვლენების მართვის კომიტეტს მივაწოდებთ ყველა საჭირო ინფორმაციას. რეგულირების სააგენტო დღის 16:00 საათზე იმყოფებოდა კლინიკაში და მათი მხრიდან მოხდა დეტალური შესწავლა. ჩვენ მოქალაქეებს დამატებით მივაწვდით ინფორმაციას, თუ რისგან დადგა ეს ფაქტი. პაციენტი გადმოყვანილია თბილისში, განვახორციელეთ დამატებითი ღონისძიებები. გაიმართება კონსილიუმი, მივიღებთ ერთობლივი გადაწყვეტილებას. დარწმუნებული ვარ, ჩვენი ექიმების ერთობლივი ძალისხმევით ძალიან მალე შევძლებთ და გვექნება საიმედო გამოსავალი“, – განაცხადა ეკატერინე ტიკარაძემ.