დღეს მედიაში გავრცელდა მესაზღვრის და ვიზიტორის ჩანაწერი, რომელიც საქართველოში არ შემოუშვეს.
ამ ამბის შესახებ პოსტს აქვეყნებს, ინციდენტის თვითმხილველი.
“სანამ ჩემს ნიუსფიდს იმ მესაზღვრე აგრესიული ბიჭის ლანძღვით წალეკავდეთ, გეტყვით რომ თვითონ მაგ ქალმა მითხრა რომ მოსთხოვეს სასტუმროს ჯავშანი რომელიც ვერ წარადგინა, მეგობართან ვრჩებიო, რაზეც მიიღო უარი ქვეყანაში შემოშვებაზე და უთხრეს გარეპორტებთ, დაჯექი და დაგველოდეო. ამ ქალმა დაიწყო წიოკი და რეკვები, მოსთხოვეს წარედგინა სტამბულში მაინც თუ სადმე შეეძლო დარჩენა რადგან უკან სტამბულში აბრუნებდნენ, რაც ასევე ვერ წარვადგინეო, შემდეგ ჩამოართვეს ტელეფონი (რაც ბევრ ქვეყანაში ხდება საზღვარზე, ისრაელს და ამერიკას ოფიციალური უფლებაც აქვთ ტელეფონის ჩხრეკვის როგორც მახსოვს ). შემდეგ როცა ტელეფონი დაუბრუნეს ამ ქალმა უკვე გაღიზიანებული და აგრესიული მესაზღვრის ვიდეო გადაიღო. ახლა ყველა დგას და მესაზღვრეს ლანძღავს და სულ არ ახსოვთ ევროპაში მესაზღვრეები როგორ ექცევიან ხალხს და მოქალაქეები როგორ ყველაფერზე თავჩახრილები ვემორჩილებით.
კი, ის ტიპი უზრდელია მარა ის ტიპი რომ ქართველი არ ყოფილიყო ამაზე ალბათ მხოლოდ წუწუნით თუ დაწერდა ვინმე მოგზაურთა კლუბში და მაგით მორჩებოდა.
სადღაც მოვკარი თვალი პეტიციას აგროვებენ რომ ტიპს სამსახური დაატოვებინონ
ტიპს რომელიც იდეაში მართალი იყო და შენი თავი ღმერთი ან პრეზიდენტის ხომ არ გგონიაო ეს ქალი რომ დაჰკიოდა, არა მესაზღვრე ვარო პასუხობდა”.
აეროპორტში მომხდარ ფაქტთან დაკავშირებით შინაგან საქმეთა სამინისტროს გენერალურმა ინსპექციამ სამსახურებრივი შემოწმება დაიწყო.
რაც შეეხება აღნიშნულ მოქალაქეს, მას საქართველოში შემოსვლაზე უარი “უცხოელთა და მოქალეობის არმქონე პირთა სამართლებრივი მდგომარების შესახებ” საქართველოს კანონის მე-11 მუხლის, “ი” ქვეპუნქტის საფუძველზე ეთქვა.