ბოლო მონაცემებით, იმერეთში „ასტრაზენეკას“ ვაქცინით 298 ადამიანი აიცრა. დაავადებათა კონტროლის იმერეთის სამმართველოს უფროსის თქმით, ვაქცინაციის შემდეგ, რაიმე გართულება არ დაფიქსირებულა. რაც შეეხება „ფაიზერს“, იმერეთში, ამ ეტაპზე, 1 200-ზე მეტი ადამიანია რეგისტრირებული და პროცესი გრძელდება.
„ფაიზერის“ პირველი დოზები რეგიონში ორშაბათს შევა და იმუნიზაციის პროცესი დასავლეთ საქართველოს ინტერვენციული მედიცინის ცენტრში დაიწყება. დაავადებათა კონტროლის იმერეთის სამმართველოს უფროსი, გოჩა გიორგიძე მოსახლეობას აქტიურობისკენ მოუწოდებს, რადგან არსებული ვაქცინები სრულიად უსაფრთხოა.
კომენტარები