შალვა ნათელაშვილი ასრულებს სააკაშვილის დაკვეთას, რაზეც ღიად საუბარი თავად ერიდება, – ამის შესახებ პარლამენტის საპროცედურო საკითხთა კომიტეტის თავმჯდომარემ, ირაკლი ქადაგიშვილმა განაცხადა.
მისი თქმით, სააკაშვილი ღია ტექსტით საუბარს რაზეც ერიდება, იმას აკეთებინებს ნათელაშვილს.
„ნათელაშვილი ამ ყველაფერს აკეთებს იმიტომ, რომ ეს სააკაშვილის დაკვეთაა და რასაც თავად ერიდება, ასე ღია ტექსტით საუბარს, ვფიქრობ, ამას აკეთებინებს ნათელაშვილს. თუნდაც ოპოზიციაში იყო, საკუთარი ქვეყნის მიმართ ასეთი დამოკიდებულება ნიშნავს, რომ ამ ქვეყნის საერთო მიზანი ევროატლანტიკურ სივრცეში ინტეგრაციისაა, არ გაქვს და შენი მიზანია, მაქსიმალურად მოახდინო ამ მიზნებისკენ მიმავალ გზაზე დისკრედიტაცია, ამიტომ არის, რომ მისი რეიტინგი და მისი საარჩევნო ხმების რაოდენობა ერთ პროცენტს ძლივს აღწევს“, – განაცხადა ირაკლი ქადაგიშვილმა.
საქართველოს „ლეიბორისტული პარტიის“ ლიდერი შალვა ნათელაშვილი ამერიკის შეერთებული შტატების სახელმწიფო მდივნის მოადგილის თანაშემწეს, ჯორჯ კენტს აკრიტიკებს.