80 წლის ასაკში ქართველი მუსიკოსი და ფოლკლორისტი ანზორ ერქომაიშვილი გარდაიცვალა. ქართველი ლოტბარი ანზორ ერქომაიშვილი კოვიდინფიცირებული იყო და ის 19 მარტიდან მკურნალობას პირველ საუნივერსიტეტო კლინიკაში გადიოდა. მისი მდგომარეობა მძიმე იყო და აპარატზე იყო შეერთებული.
ანზორ ერქომაიშვილი 1968 წლიდან იყო ვოკალურ ანსამბლ “რუსთავის“ ხელმძღვანელი. 2008 წელს გახდა საქართველოს პარლამენტის წევრი ოზურგეთის საარჩევნო ოლქიდან ერთიანი ნაციონალური მოძრაობის წარდგინებით. 2009 წლიდან შეწყვიტა საკანონმდებლო საქმიანობა და გახდა ფოლკლორის ეროვნული ცენტრის ხელმძღვანელი.
2014 წელს მიენიჭა თბილისის საპატიო მოქალაქის წოდება, დაჯილდოებულია ბრწყინვალების საპრეზიდენტო ორდენით.
საინფორმაციო სააგენტო “ექსკლუზივ ნიუსი” მწუხარებას გამოთქვამს ანზორ ერქომაიშვილის გარდაცვალების გამო და მუსიკოსის ოჯახს სამძიმარს უცხადებს.