ადმინისტრაციულ სამართალდარღვევათა კოდექსში ცვლილებები პარლამენტმა ერთი კვირის წინ მიიღო. როგორც მმართველი გუნდის წარმომადგენლები აცხადებენ, ეს ცვლილებები შესაბამისობაშია კონსტიტუციასთან და თუ ოპოზიციას ჰქონდა გარკვეული პრეტენზიები, მაშინ სრული შემადგენლობით უნდა მისულიყვნენ საპარლამენტო განხილვების დროს და საკუთარი მოსაზრებები სწორედ პლენარულ სხდომაზე წარედგინათ.
“იმ საკითხზე, რა საკითხზეც ახლა ისინი მიმართავენ საქართველოს პრეზიდენტს ისინი არ მობრძანდნენ საქართველოს პარლამენტში. ეს დამოკიდებულება აჩვენებს იმას, რომ მათ რეალურად ის კი არ აინტერესებთ, რა ცვლილებები იქნა მიღებული, არამედ ის, რომ მოძებნონ გარკვეული ტექნიკური ხარვეზები მათი გაგებით და მხოლოდ დღის წესრიგი შექმნან, მაგრამ სჯობს, რომ რასაც მოაწერეს ხელი ის შეასრულონ, ანუ საქართველოს პარლამენტში მიიღონ მონაწილეობა, კომიტეტებზე, სესიებზე და ინდივიდუალურ ფორმატებში,” – განაცხადა პარლამენტის საპროცედურო საკითხთა და წესების კომიტეტის თავმჯდომარის პირველმა მოადგილემ გურამ მაჭარაშვილმა.