საქართველოს საელჩო ისრაელში მცხოვრები მოქალაქეების საყურადღებოდ კოვიდრეგულაციებთან დაკავშირებით ინფორმაციას ავრცელებს. შესაბამისი განცხადება საელჩოს Facebook-ზე გამოქვეყნდა.
„ისრაელის მთავრობის გადაწყვეტილებით მიმდინარე წლის 6 მაისიდან 19 მაისის ჩათვლით ქვეყანაში განახლებული რეგულაციები იმოქმედებს:
დახურულ სივრცეში ადამიანთა დასაშვები რაოდენობა 50, ხოლო ღია სივრცეში 500 შეადგენს.
ფიტნეს დარბაზებზე, სპორტულ კომპლექსებზე, ასევე, დახურულ სივრცეში განთავსებულ საცურაო აუზებსა და ატრაქციონებზე ვრცელდება ე.წ. „იასამნისფერი სტანდარტი“, რაც ვიზიტორებს ათავისუფლებს „მწვანე პასპორტის“ ქონის აუცილებლობისგან.
შეგახსენებთ, რომ 29 აპრილიდან საზოგადოებრივ ტრანსპორტში მგზავრთა რაოდენობაზე შეზღუდვა გაუქმდა“, – ნათქვამია საელჩოს განცხადებაში.
კომენტარები