საპარლამენტო უმრავლესობის წევრი, გურამ მაჭარაშვილი ადმინისტრაციულ სამართალდარღვევათა კოდექსში ცვლილებების თაობაზე ოპოზიციის კრიტიკული შეფასებებზე საუბრისას აცხადებს, რომ მათ არავინ უშლის, დააინიცირონ ახალი კანონპროექტი და საკანონმდებლო ორგანოში ამის შესახებ იმსჯელონ.
„თუ ვინმე აპირებს, რომ ხულიგნობით აწარმოოს წინასაარჩევნო კამპანია, პოლიციელებზე იძალადოს, შეურაცხყოფა მიაყენოს, ამ შემთხვევაში, შეიძლება, გამართლებული იყოს ოპოზიციის ნარატივი, თუ რატომ მკაცრდება წვრილმან ხულიგნობასა და სამართალდამცავთა დაუმორჩილებლობაზე, განმეორებით შემთხვევაზე, კანონი. პირველ რიგში, გაუგებარია ოპოზიციის ასეთი პოზიცია და მეორე; თუ მათ საქართველოს პარლამენტში რაიმე კანონის ინიცირება უნდათ, გადაშალონ რეგლამენტი და წაიკითხონ, რა არის ამისთვის საჭირო“, – აცხადებს გურამ მაჭარაშვილი.