ნაძალადევის რაიონის გამგებელი ირაკლი ხელაძე თბილისის საკრებულოს მაჟორიტარ დეპუტატ დავით ჭელიძესთან ერთად მეორე მსოფლიო ომის ვეტერანს, 94 წლის გიორგი გოზალიშვილს ესტუმრა და ფაშიზმზე გამარჯვების დღე მიულოცა.
„ჩვენს ვეტერანებს, გმირებს ფაშიზმზე გამარჯვების დღეს ვულოცავ. ნაძალადევის რაიონში სამამულო ომის მონაწილე 5 ვეტერანი გვყავს. მინდა მათ ჯანმრთელობა და კეთილდღეობა ვუსურვო. ეს ის საამაყო ადამიანები არიან, რომელთა გმირობაც ყველა თაობას ემახსოვრება“, – აღნიშნა ირაკლი ხელაძემ.
ნაძალადევის რაიონში მცხოვრებ მეორე მსოფლიო ომის ვეტერანებს ნაძალადევის რაიონის გამგეობისგან საჩუქრები გადაეცათ, თბილისის მერიისგან კი ფულადი დახმარება მიიღეს.
კომენტარები