დღეს ვეტერანთა კულტურის და დასვენების პარკში მინისტრთა კაბინეტის წევრები იმყოფებოდნენ. მათ ომში დაღუპულთა ხსოვნას პატივი მიაგეს.
“მე ვიგრძენი მთავრობის წევრების და განსაკუთრებით პრემიერ-მინისტრის პატივისცემა, რომელიც მოვიდა და მოგვილოცა ფაშიზმზე გამარჯვების 76-ე წლისთავი, ასევე წარმატებები გვისურვა. ხალხის საბედნიეროდ ყოფილიყოს ყველაფერი, განსაკუთრებით ახალგაზრდებისთვის” – განაცხადა ომის ვეტერანმა “tv პირველთან” საუბარში.
შეგახსენებთ, საქართველოს პრემიერ-მინისტრის ირაკლი ღარიბაშვილის გადაწყვეტილებით, მეორე მსოფლიო ომის მონაწილეებს ერთჯერადი კომპენსაციის სახით 1000 ლარი დაერიცხებათ, ხოლო ომში დაღუპულების ოჯახის წევრებს 500 ლარი.
კომენტარები