გავრცელებული ინფორმაციით, 550 ადამიანი, ვინც კოლუმბიაში საპროტესტო აქციებში მონაწილეობდა, დაკარგულად ითვლება. ამის შესახებ რადიო La FM–მა ომბუდსმენის ოფისის მონაცემებზე დაყრდნობით განაცხადა.
ამ ინფორმაციის თანახმად, 28 აპრილიდან 7 მაისამდე გაუჩინარდა 548 ადამიანი. საპროტესტო აქციებსა და არეულობებში დაღუპულთა რიცხვი 26-მდე გაიზარდა.
28 აპრილიდან კოლუმბიაში მიმდინარეობდა დემონსტრაციები საგადასახადო რეფორმის წინააღმდეგ. არეულობები მოხდა ბოგოტაში, კალიში, მედელინში და სხვა ქალაქებში.
კომენტარები