ევროკავშირმა მიიღო გადაწყვეტილება, რომ ფარმაცევტულ კომპანია AstraZeneca-სთან COVID-19-ის საწინააღმდეგო ვაქცინების მიწოდების თაობაზე კონტრაქტი არ განაახლოს. ამის შესახებ გამოცემა The Guardian წერს.
ევროკავშირის კომისარმა შიდა ვაჭრობის საკითხებში, ტიერი ბრეტონმა განაცხადა, რომ კონტრაქტს ივნისში გასდის ვადა.
ამას გარდა, ევროკავშირი AstraZeneca-ს წინააღმდეგ საჩივარს ამზადებს. ევროკავშირი ფარმაცევტულ კომპანიას ვაქცინებით მომარაგებასთან დაკავშირებული ვალდებულებების შეუსრულებლობაში, კერძოდ მიწოდების ვადის დარღვევაში ადანაშაულებს.
მიმდინარე წლის პირველ კვარტალში, ევროკავშირს Astrazeneca-სგან ვაქცინის 120 მილიონი დოზა უნდა მიეღო, თუმცა კომპანიამ მხოლოდ 30 მილიონი დოზა მიაწოდა.
კომენტარები