ასპინძაში მოკლეს 1983 წელს დაბადებული კაცი, რომელიც სოფელ ბუზმარეთის მიმდებარე ტერიტორიაზე არსებულ ფერმაში მუშაობდა. როგორც შინაგან საქმეთა სამინისტროში აცხადებენ, მკვლელობის საქმეზე, ამავე ფერმაში დასაქმებული მწყემსი, 1961 წელს დაბადებული პირი დააკავეს.
უწყების ცნობით, მან კაცს, ცივი იარაღის გამოყენებით, გულ-მკერდის არეში მიაყენა ჭრილობები. დაჭრილი შემთხვევის ადგილზე გარდაიცვალა.
სამართალდამცველებმა ბრალდებული მწყემსი მომხდარიდან მალევე, ასპინძის მუნიციპალიტეტში დააკავეს. პოლიციამ დანაშაულის ჩადენის იარაღი – დანა ნივთმტკიცებად ამოიღო.
დაკავებული დანაშაულს აღიარებს. განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.
კომენტარები