ვარაუდს გამოვთქვამთ, რომ ნიკა მელია ამნისტიის კანონსაც დათანხმდება. მან თავი კომიკურ სიტუაციაში ჩაიგდო და ციხეს რომ უკანა კარი ჰქონდეს, დიდი ალბათობით, იქიდან გაიპარებოდა, – ამის შესახებ საპარლამენტო უმრავლესობის წევრმა გიორგი ამილახვარმა განაცხადა.
“ნიკა მელია მთელი ამ პროცესის განმავლობაში იძახდა, რომ იგი არ გადაიხდიდა გირაოს და ვერ დაიჭერდნენ, თუმცა დაიჭირეს. შემდეგ იძახდა, რომ გირაოს არ მიიღებდა, მაგრამ ამაზეც დათანხმება უწევს და ვარაუდს გამოვთქვამთ, რომ იგი ასევე ამნისტიის კანონსაც დათანხმდება. მან თავი კომიკურ სიტუაციაში ჩაიგდო და ციხეს რომ უკანა კარი ჰქონდეს, დიდი ალბათობით, იქიდან გაიპარებოდა, ვინაიდან მისი პოლიტიკური საქმიანობა, რომ ნიკა მელია შერაცხულიყო გმირად, წყალში ჩავარდა“, – განაცხადა გიორგი ამილახვარმა.
კომენტარები