დონალდ ტრამპი მზად არის, გამარჯვების შემთხვევაში, რუსეთის პრეზიდენტს ინაუგურაციამდე შეხვდეს. ამის შესახებ აშშ-ის პრეზიდენტობის რესპუბლიკელმა კანდიდატმა რადიოწამყვანის შეკითხვის საპასუხოდ განაცხადა.
კითხვა შემდეგში მდგომარეობდა: როგორ აარიდებდა ის თავს რუსეთთან ომს? მილიარდერის განცხადებით, პრობლემა იმაში მდგომარეობს, რომ ამერიკელი ლიდერები რუსეთის პრეზიდენტს ხშირად აყენებენ შეუარაცხყოფას.
“გასაკვირი არ არის, რომ პუტინი ობამას და კლინტონს ვერ იტანს,”– განაცხადა ტრამპმა.
რესპუბლიკელ კანდიდატს რუსულ-ამერიკული ურთიერთობების დარეგულირების შესახებ მზადყოფნა არაერთხელ გამოუთქვამს. ერთ-ერთ ინტერვიუში ტრამპმა განაცხადა, რომ პუტინი თავის ქვეყანაში უკეთესი ლიდერია, ვიდერე ბარაკ ობამა აშშ-ში. თავის მხრივ, გასულ კვირას რუსეთის პრეზიდენტმა განაცხადა, რომ უცნობია, როგორი იქნება რუსეთთან დაკავშირებით ამერიკული პოლიტიკა არჩევნების შემდეგ. უფრო ადრე კი პუტინმა დონალდ ტრამპს “ნათელი და ნიჭიერი ადამიანი უწოდა”.