ჩინეთის მთავრობამ ოჯახებს სამი ბავშვი ყოლის უფლება დართო. ცვლილება პრეზიდენტმა ქსი ჯინპინგმა დაადასტურა.
რეფორმის გატარების ერთ-ერთ მთავარ მიზეზად უკანასკნელი 10 წლის სტატისტიკა სახელდება, სადაც ჩინეთის პოპულაციის მატება შემცირებული იყო. ამ კანონით კი, პეკინმა სტიმული მისცა წყვილებს, რომ მეტი შვილი იყოლიონ.
პოპულაციის დონის დაცემა ასევე დიდ პრობლემას წარმოადგენდა ჩინეთისთვის ასაკობრივი განაწილების მხრივ, რადგან ქვეყანაში უფრო მეტი მოხუცი ადამიანია, ვიდრე ახალგაზრდა, რაც ცალკეულ პრობლემებს ქმნის. მაგალითად, სამომავლოდ შესაძლოა შეიქმნას ახალგაზრდა საზოგადოების დეფიციტი, რომელიც იზრუნებს მოხუცებულ ხალხზე.
ჩატარებული აღწერების მიხედვით, გასულ წელს ჩინეთში 12 მილიონი ბავშვი დაიბადა, რაც დაბალი მაჩვენებელია 2016 წელთან შედარებით, როცა ქვეყანაში 18 მილიონი დაიბადა და ზოგადად ჩინეთის ისტორიაში 1960-იანი წლების შემდეგ ასეთი დაბალი მაჩვენებელი არ დაფიქსირებულა.