ამერიკის შეერთებული შტატები, ვაქცინების სხვა ქვეყნებისთვის გაზიარების გეგმის ფარგლებში, ტაივანს 750 ათასი დოზით დაეხმარება, – ამის შესახებ Reuters-ი წერს.
ამ ქვეყანაში მწვავე ეპიდვითარება და ვაქცინაციის დაბალი მაჩვენებელია; 23.5-მილიონიან ქვეყანაში ჯერ მხოლოდ მოსახლეობის 3%-მდეა აცრილი, თუმცა მათ უმეტესობასაც კი, მეორე დოზა ჯერ არ მიუღია.
„შეერთებული შტატები აცნობიერებს ამ პროცესში ჩართვის გადაუდებელ საჭიროებას და ვაფასებთ ჩვენს ქვეყნებს შორის პარტნიორობას“, – თქვა სენატორმა ტემი დაკუორტმა, თუმცა, სხვა დეტალები, მათ შორის – არც ვაქცინების გადაცემის თარიღი არ დაუკონკრეტებია.
კომენტარები