უკრაინის ანტიტერორისტული ოპერაციის პრესცენტრის განცხადებით, ბოლო 24 საათის განმავლობაში დონბასში, უკრაინელი სამხედროების პოზიციები 39-ჯერ დაიცხრილა.
ყველაზე ინტენსიური სროლა დაფიქსირდა მარიუპოლის მიმართულებით, სადაც პრორუსმა მებრძოლებმა ცეცხლი 18-ჯერ გახსნეს. გარდა ამისა, სეპარატისტებმა ცეცხლი ლუგანსკთან და დონეცკთანაც გახსნეს.
თავად „ბოევიკებმა“ რუსულ მედიას განუცხადეს, რომ უკრაინის შეიარაღებულმა ძალებმა მათი მიმართულებით ცეცხლი სამჯერ გახსნეს.
კომენტარები