აშშ-ში, ალაბამაში, სადაც შტორმი მძვინვარებს, ავტოსაგზაო შემთხვევას 10 ადამიანი, მათ შორის 9 ბავშვი ემსხვერპლა. ამის შესახებ BBC წერს.
გამოცემის ინფორმაციით, ერთ-ერთ გზატკეცილზე ერთმანეთს 18 ავტომობილი შეეჯახა. ამის მიზეზი კი სველი გზა გახდა. გარდაცვლილ ბავშვთა ასაკი 9 თვიდან 17 წლამდეა.
ადგილობრივი პოლიციის ცნობით, გარდაცვლილთა შორის მამა და მისი 9 თვის ქალიშვილი არიან. ისინი ერთ-ერთ ავტომობილში ისხდნენ. დანარჩენი 8 მსხვერპლი კი „ტალაპასას გოგონების რანჩოს“ კუთვნილ ავტომობილში ისხდნენ. ეს არის ადგილი, სადაც მიტოვებული და შევიწროების მსხვერპლი გოგოები ცხოვრობენ. მათგან ყველაზე უმცროსი 4 წლის იყო.
ინციდენტის შედეგად კიდევ 5 ადამიანი დაშავდა, თუმცა მათ სიცოცხლეს საფრთხე არ ემუქრება.
კომენტარები