საფრანგეთში, ქვემო რეინის დეპარტამენტში ქართულ-სომხური დანაშაულებრივი დაჯგუფების საქმიანობა აღკვეთეს.
21 ივნისს, გამთენიისას, სამართალდამცველებმა თორმეტი ადამიანი დააკავეს. მათ შორის, დანაშაულებრივი დაჯგუფების ორი ლიდერი: ქართველი ე.წ. „კანონიერი ქურდი“და სომხური დაჯგუფების ხელმძღვანელი.
პოლიციაში აცხადებენ, რომ დაკავებულები საერთაშორისო კრიმინალური დაჯგუფების წევრები არიან, რომელთა სპეციალიზაცია ყველა სახის ქურდობაა.
დაკავებულთა სახლების ჩხრეკის შედეგად სამართალდამცველებმა 4 მანქანა და 1 მოტოციკლი, 5 პისტოლეტი, 17 000 ევრო, ძვირადღირებული სამკაულები და ტყავის ნაწარმი ამოიღეს.
კომენტარები