რუსეთში ე.წ. ინდური შტამის ახალი სახეობის გავრცელება დაფიქსირდა. ამის შესახებ „როსპოტრებნადზორის“ ხელმძღვანელმა, ანა პოპოვამ განაცხადა.
გავრცელებული ინფორმაციით, ვარიანტი „დელტა პლუსი“ ქალბატონს დაუდასტურდა, რომელსაც დაავადება მსუბუქი ფორმით განუვითარდა.
რუსეთში, გასული დღე-ღამის განმავლობაში, კორონავირუსით სიკვდილიანობის რეკორდული დღიური მაჩვენებელი დაფიქსირდა.
რუსეთში ე.წ. ინდური შტამის გარცელების ფონზე, კორონავირუსით სიკვდილიანობის მაჩვენებელი გაიზარდა.
გასულ კვირას, მოსკოვის მერმა, სერგეი სობიანინმა განაცხადა, რომ რუსეთის დედაქალაქში გამოვლენილი ახალი შემთხვევების 90% ე.წ. ინდურ შტამზე მოდის.
21 ივნისს ინდოეთის შტატ მაჰარაშტრაში ე.წ. ინდური შტამის (ვარიანტი „დელტა“) ახალი სახეობით ინფიცირების 20 შემთხვევა დაფიქსირდა.
კომენტარები