პრეზიდენტი ვარ და გზავნილებს მე არ ვღებულობ, აუცილებელია ყველა დაპირება შესრულდეს, – ამის შესახებ საქართველოს პრეზიდენტმა სალომე ზურაბიშვილმა ჟურნალისტებს განუცხადა.
“მინდოდა მიმელოცა ამერიკელი ხალხისა და ქართველი ხალხისთვის ეს დღე. ამ დღის აღნიშვნა ჩვენთვის არის ჩვენი მეგობრობის და პარტნიორობის დღე ასევე და მე ჩავთვალე, რომ აუცილებელი იყო ჩემი აქ ყოფნა და მილოცვა პირადად, ფიზიკურად რომ მიმელოცა ელჩისთვის და გავაგრძელოთ ასეთი შინაარსიანი მეგობრობა და თანამშრომლობა”, – აღნიშნა პრეზიდენტმა.
კითხვაზე, შეეხებოდა, იყო თუ არა კელი დეგნანის მიღებაზე, მისგან გარკვეული გზავნილები შარლ მიშელის დოკუმენტის შესრულებასთან დაკავშირებით? – პრეზიდენტი ასე პასუხობს:
“არა, მე გზავნილებს არ ვღებულობ საერთოდ, ვარ ქვეყნის პრეზიდენტი და არ უნდა მივიღო გზავნილები. ყველანი ვართ ჩართულები ამ პროცესებში. აუცილებელია, რომ ეს პროცესი წავიდეს წინ და შესრულდეს ყველა ის დაპირება, რაც ჩვენ გავაკეთეთ და რაც იქნა გაკეთებული და მე დარწმუნებული ვარ, რომ გავალთ ამ პროცესის ბოლოში”, – თქვა პრეზიდენტმა.