პოლიცია საკმაოდ მაღალი სტანდარტით იცავს ნებისმიერი მოქალაქის უფლებას, – ამის შესახებ ჟურნალისტებს საპარლამენტო უმრავლესობის წევრმა, გურამ მაჭარაშვილმა განუცხადა.
მისი თქმით, ყველას აქვს საკუთარი პოზიციის გამოხატვის უფლება და ეს იქნება უზრუნველყოფილი.
„ამავდროულად, კიდევ ერთხელ ვიმეორებ, ყველას აქვს უფლება უმცირესობასაც და უმრავლესობასაც, რომ თავისი პოზიცია გამოხატოს და ეს იქნება უზრუნველყოფილი. ჩვენ არ უნდა გაგვიკვირდეს ის, რომ თუ მცირე ჯგუფს აქვს გამოხატვის რამე უფლება, დანარჩენებს ეს არ გააჩნიათ. ყველას აქვს გამოხატვის უფლება და ბალანსი უნდა დავიცვათ. პროცესი, რაც ახლა ქვეყანაში ხდება, კონტროლირებადია და გამომდინარე აქედან, შესაბამისი უწყებები უზრუნველყოფენ იმას, რომ პოლიტიკური პროცესები იყოს ნორმალური და ჯანსაღი“, – განაცხადა გურამ მაჭარაშვილმა.