ჰაიტის პრეზიდენტის, ჟოვენელ მოიზის მკვლელობის საქმეზე პოლიციამ 6 პირი დააკავა. ამის შესახებ ჰაიტის პოლიციის ხელმძღვანელმა, ლეონ შარლმა განაცხადა.
მანამდე ჟოვენელ მოიზის მკვლელობაში მონაწილე ოთხი პირის ლიკვიდირება მოხდა. თავდამსხმელები უცხოელი დაქირავებული მკვლელები იყვნენ, რომლებიც ინგლისურ და ესპანურ ენაზე საუბრობდნენ. მათ ნარკოტიკებთან ბრძოლის ამერიკული ადმინისტრაციის თანამშრომლებად გაასაღეს თავი.
პარალელურად, ცნობილი ხდება, რომ თავდასხმისას დაშავებული პირველი ლედი მარტინა მოისი სამკურნალოდ აშშ-ში, კერძოდ კი, მაიამიში გადაიყვანეს.
პრემიერ-მინისტრის მოვალეობის შემსრულებელმა, კლოდ ჯოზეფმა ქვეყანაში საგანგებო მდგომარეობა და 15-დღიანი გლოვა გამოაცხადა.
ჰაიტის პრეზიდენტი ჟოვენელ მოიზი სასიკვდილოდ დაჭრეს.
კომენტარები