ტოკიო 2021 წლის ზაფხულის ოლიმპიურ თამაშებს მასპინძლობს, სადაც პირველი ოლიმპიური მედალი საფრანგეთს ქართველმა ძიუდოისტმა ლუკა მხეიძემ მოუტანა.
ლუკა მხეიძის შესახებ აქტიურად წერს მსოფლიო პრესა. მის შესახებ პოსტი გამოაქვეყნა საფრანგეტში მცხოვრებმა ქართველმა ექიმმა რევაზ ბოჭორიშვილმა.
“საფრანგეთს პირველი ოლიმპიური მედალი, ლუკა მხეიძემ მოუტანა
2009 წელს, როდესაც ლუკა სულ 13 წლის იყო, ოჯახი გაჭირვებას გამოექცა საქართველოდან. ჯერ ბელორუსიაში თვითმფრინავით, მერე მატარებლით პოლონეთში და ბოლოს საფრანგეთში აღმოჩნდა…
ფრანგული პრესა დეტალურად აღწერს ლტოლვილობის მძიმე ეტაპებს… და მიუხედავად ყველა სირთულისა, ლუკა 7 წლის ასაკში დაწყებულ ვარჯიშს აგრძელებდა…
ბოლოს, ჰავრში, მისმა სპორტულმა კლუბმა უშუამდგომლა საფრანგეთის მოქალაქეობის მისაღებად. ჰავრის მერის, ვინმე ედუარ-ფილიპის, შემდგომში საფრანგეთის პრემიერ მინისტრის უშუალო ხელისშეწყობით, 2015 წლიდან ლუკა საფრანგეთის მოქალაქეა და მალევე საფრანგეთის ნაკრების წევრი ხდება.”