“ვიხილეთ თვითაღიარება, რომ მედიასაშუალება აქამდე იყო პოლიტიკური პარტია, რომელსაც ჰქონდა კამერა და მიკროფონი”

ტელეკომპანია „მთავარის“ ხელმძღვანელის გუშინდელი განცხადება პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ შეაფასა.

„ვიხილეთ თვითაღიარება, რომ მედიასაშუალებებს მთელი ამ დროის განმავლობაში სრულად ჰქონდათ დაკარგული ფუნქცია, რომ ყოფილიყვნენ მედია და იყვნენ პოლიტიკური პარტია, რომელსაც ჰქონდა კამერა, მიკროფონი და ა.შ. კარგია თუ ისინი ჩადგებიან ნორმალურ კალაპოტში და ამგვარად გააგრძელებენ“, – განაცხადა მიხეილ სარჯველაძემ.

„მთავარმა არხმა“ მუშაობის სპეციალური რეჟიმიდან გამოსვლა და მწვავე, კრიტიკული გაშუქების რეჟიმზე გადასვლა დააანონსა.