“სააკაშვილის ენას არც ძვალი აქვს და არც სინდისი”

როგორც იტყვიან ენას ძვალი არ აქვს, სააკაშვილის ენას არც ძვალი აქვს და არც სინდისი, – ამის შესახებ საპარლამენტო უმრავლესობის წევრმა, ბექა დავითულიანმა მიხეილ სააკაშვილის განცხადებაზე საუბრისას თქვა.

„თუ გადავხედავთ ჩვენ უკანასკნელი წლების ისტორიას, ვნახავთ, რომ სააკაშვილის მმართველობის პირობებში საქართველოდან ძლივს გაყვანილი რუსული ბაზები დაბრუნდნენ დეფაქტო ქვეყანაში, ვნახავთ რომ რუსული კაპიტალი ამ ქვეყნის სტრატეგიულ ობიექტებში და ეს ყველაფერი გააკეთა მიხეილ სააკაშვილმა. „ქართული ოცნების“ ხელისუფლების პირობებში მივიღეთ ევრო ასოცირება და უვიზო გადაადგილება ევროკავშირის ქვეყნებში“, – განაცხადა ბექა დავითულიანმა.

მიხეილ სააკაშვილის განცხადებით, თავის დროზე საარჩევნო კამპანიისთვის ბიძინა ივანიშვილს რუსეთმა 2 მილიარდი დოლარი მისცა.