დღეს გიორგი ვაშაძე პოლიტიკური მოძრაობის „მესამე ძალის“ პრეზენტაციას გამართავს, რომელშიც „სტრატეგია აღმაშენებელთან“ „რესპუბლიკელები“, „თავისუფალი დემოკრატები“ და გრიგოლ ვაშაძე ერთიანდებიან.
დღეს ისინი საარჩევნო გეგმებზე ისაუბრებენ და უახლოეს დღეებში საზოგადოებას მერობის კანდიდატებსაც წარუდგენენ.
„მესამე ძალა“ შეიქმნა ზუსტად იმიტომ, რომ რაც შეიძლება მეტი ადამიანი – პარტიული, უპარტიო გაერთიანებულიყო. ამიტომ, ვიხილავთ აქ პარტიული შემადგენლობის ნაწილსაც, ვიხილავთ ცალკეულ ინდივიდებს, რომლებიც შემოუერთდებიან, მათ შორის გრიგოლ ვაშაძესა და საზოგადოებრივად აქტიური პირები. იქნებიან ასევე მხარდამჭერები, რომლებიც პირდაპირ შეიძლება არ იყვნენ „მესამე ძალის“ პოლიტიკური ძრავის ნაწილი. ასე რომ, სწორედ ეს იყო მესამე ძალის შექმნის იდეა, რომ პოლიტიკურ ველზე გაჩენილიყო მიზიდულობის სხვა ცენტრი, სხვა ძალა, რომ ერთი პარტიის გარშემო არ იყო მთელი ოპოზიცია დაჯგუფებული“, – აღნიშნა „სტრატეგია აღმაშენებლის“ წევრმა სერგო ჩიხლაძემ.