მიხეილ სააკაშვილის მამა, ნიკოლოზ სააკაშვილი ჟურნალ „თბილისელებთან“ შვილის და მისი ოჯახის შესახებ საუბრობს და აღნიშნავს, რომ მისი რძალი, სანდრა რულოვსი ძალიან საყვარელი გოგოა: „სანდრა იყო და არის ჩართული საზოგადოებრივ საქმიანობაში. ჰოლანდიელ ქართველს ვეძახი, უსაყვარლესი გოგოა. ცხოვრობს თბილისში და ქართულად ზრდის შვილებს…“
საქართველოს ექსპრეზიდენტის მამა ამავე ინტერვიუში პასუხობს ჟურნალის მიერ დასმულ შეკითხვას მიხეილ სააკაშვილის ახალ მეორე ნახევარზე, უკრაინელ ლიზა იასკოზე და იმ ვიდეოზე, რომელიც მასთან ერთად თავად ექსპრეზიდენტმა ჩაწერა.
ნიკოლოზ სააკაშვილი აღნიშნავს:
„არ ვიცი. მას არ ვიცნობ. მე ვიცი, რომ მყავს ერთი უსაყვარლესი რძალი და ორი საყვარელი შვილიშვილი მიშასგან. ენაცვალოთ მათ ჩემი თავი. სხვას ვერაფერს გეტყვით, არ ვიცნობ ამ ადამიანს. არ ვარ საქმის კურსში. ცოტა გამიკვირდა კიდეც…“