ის, რომ 64-დან 20 ქალაქში მეორე ტური გაიმართება, აბსოლუტურად ჩვეულებრივი ევროპული პრაქტიკაა. ეს არის დემოკრატიის მაჩვენებელი, – ამის შესახებ ირაკლი ღარიბაშვილმა ჟურნალისტებთან საუბრისას განაცხადა. პრემიერ-მინისტრის თქმით, მთავარი ის არის, რომ ქვეყანაში საპარლამენტო არჩევნები 2024-წლამდე აღარ გაიმართება.
„ჩვენ ავიღეთ 47%, მიუხედავად იმ ძალიან ბევრი ობიექტური ფაქტორისა, რომელიც რეალურად იყო შექმნილი ქვეყანაში. ჩვენ რეალურად წერტილი დავუსვით ყველა იმ სპეკულაციას, რომელიც დესტრუქციული ოპოზიციიდან მომდინარეობდა. ქვეყანაში აღარ გაიმართება საპარლამენტო არჩევნები 2024-წლამდე. ეს იყო ყველაზე მთავარი“, – აღნიშნა ღარიბაშვილმა.
მისივე თქმით, მერების არჩევა „ქართული ოცნების“ ინიციატივაა და სწორედ მმართველმა გუნდმა დააწესა 50%-იანი ზღვარი.
კომენტარები