ექიმმა ზურაბ ფაღავამ საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის მონიტორინგის მიზნით შექმნილი კონსილიუმი დატოვა.
როგორც ფაღავამ საქართველოს პირველ არხს განუცხადა, კონსილიუმის დატოვების მიზეზი მისი ჯანმრთელობის მდგომარეობა გახდა. მისივე თქმით, მან ოქტომბერში კორონავირუსიგადაიტანა.
„ჯანმრთელობის მდგომარეობის გამო დავტოვე კონსილიუმი. ყოველ შემთხვევაში, შევაჩერე ჩემი აქტივობა. შაბათს მივწერე ამის შესახებ პენიტენციური სისტემის დეპარტამენტის უფროსს, ვინც კურირებდა ამას და ავუხსენი მიზეზები. ოქტომბერში გადავიტანე კორონავირუსი. მეგონა, სრულად გამოვჯანმრთელდი. კი გამოვჯანმრთელდი, გადამდები აღარ ვარ, მაგრამ ჩემი მდგომარეობა არ არის ბოლომდე რეაბილიტირებული“,- განაცხადა ექიმმა ზურაბ ფაღავამ.
კომენტარები