ამირან გამყრელიძემ განმარტა, სად და როგორ შეძლებენ მოქალაქეები მწვანე პასპორტებს აღებას. ამ თემაზე დაავადებათა კონტროლის ეროვნული ცენტრის დირექტორმა საკოორდინაციო საბჭოს შემდეგ გამართულ ბრიფინგზე ისაუბრა.
„არის სპეციალური აპლიკაცია, რომლის ჩამოტვირთვასაც სმარტფონებზეც შეძლებთ. ეს აპლიკაცია დაკავშირებულია დაავადებათა კონტროლის ეროვნული ცენტრის ორ ბაზასთან – ესენია იმუნიზაციის ბაზა და „კოვიდლაბ ბაზა“, სადაც ყველა ლაბორატორიულად დადასტურებული შემთხვევა ფიქსირდება. აპლიკაცია იქიდან ამოიღებს (ინფორმაციას) თუ დადებითი ხართ, თუ PCR-ი ბოლო 72 საათში ან ანტიგენი ბოლო 24 საათში გაქვთ გაკეთებული და, შესაბამისად, აცრის სტატუსსაც ამოიღებს. ვისაც არ აქვს სმარტფონები ან უნარ-ჩვევები იმუშაოს აპლიკაციასთან, მათ იუსტიციის სახლში შეუძლიათ ქაღალდზე აიღონ კოვიდ-პასპორტი და ეს პასპორტიც იმუშავებს“, – განაცხადა გამყრელიძემ.
საკოორდინაციო საბჭოს გადაწყვეტილებით, საქართველოში მწვანე პასპორტები 1-ლი დეკემბრიდან ამოქმედდება.