“დედაჩემის და ჩვენი, შვილების სახელით გთხოვთ, გადაიყვანეთ მამაჩემი სამოქალაქო კლინიკაში” (ვიდეო)

მიხეილ სააკაშვილის უფროსი ვაჟი ედუარდ სააკაშვილი ვიდეომიმართვას ავრცელებს.

“მე ვიცი, რომ ბევრი თქვენგანი თავს ჰუმანისტად მიიჩნევს და ისიც მესმის, რომ გაქვთ ძალიან სერიოზული პრეტენზიები მამაჩემის მიმართ. გულწრფელად მინდა, რომ მოვიდეს დრო, როდესაც საზოგადოება ერთად, ობიექტურად და დაბალანსებულად შეაფასებს წარსულს, მაგრამ ის, რაც ახლა ხდება, გასცდა თუნდაც პოლიტიკურ მართლმსაჯულებას და გადაიქცა ძალიან საშიშ და მახინჯ ანგარიშსწორებად”.