ამირან გამყრელიძის განცხადებით, წინასწარი მონაცემებით, კორონავირუსის ახალ შტამი „ომიკრონი“ ძალიან სწრფად კლასიფიცირდა, როგორც შემაშფოთებელი.
მისი თქმით, წინა შტამებისთვის კლასიფიკაციის მინიჭება უფრო ხანგრძლივე დაკვირვების შედეგად ხდებოდა, ახალ შტამთან მიმართებით კი ეს ძალიან სწრაფად მოხდა.
„წინა შტამებზე უფრო ხანგრძლივი დაკვირვება იყო ხოლმე და ჯანმრთელობის მსოფლიო ორგანიზაცია მერე ანიჭებდა მას კვალიფიკაციას, ეს იყო შემაშფოთებელი, დაკვირვების საგანი თუ ა.შ. ამ შტამის შემთხვევაში კი ძალიან სწრაფად კლასიფიცირდა, როგორც შემაშფოთებელი. ბრიტანეთისა და ისრაელის გარდა სხვა ქვეყნებშიც დაფიქსირდა ახალი შტამი, ბელგიაშიც და გერმანიაშიც დაფიქსირებულია შემთხვევები. ლუგარის ლაბორატორიაში ვაწარმოებთ ზედამხედველობას ქვეყანაში მოცირკულირე შტამებზე. არის გარკვეული ინფორმაციები, სად შეიძლება ეჭვი მიიტანო, ეს შტამი არის თუ არა და იქ გაკეთდეს შემდგომი სექვენირება. ამის პროტოკილზე მუშაობენ ახლა ჩვენები, სად მივიტნოთ ეჭვი და შესაბამისად, უფრო მკაცრი ზედამხედველობა გვქონდეს. ამ ეტაპზე ამ ტიპის რეგულაცია მიიჩნია მიზანშეწონილად საკოორდინაციო საბჭომ“, – განაცხადა ამირან გამყრელიძემ.