დღევანდელ პოლიტიკურ რეალობაში, სადაც „ნაციონალური მოძრაობაა“ წარმოდგენილი, მგონია, რომ ეს შეუძლებელია, – ასე უპასუხა საყოველთაო შერიგებაზე დასმულ შეკითხვას დედაქალაქის მერმა კახა კალაძემ. მისი თქმით, „ნაციონალური მოძრაობა“ დესტრუქციაზე, სიძულვილსა და ბოროტებაზეა დაფუძნებული.
„მე მგონია, რომ შეუძლებელია. დღევანდელ პოლიტიკურ რეალობაში, სადაც „ნაციონალური მოძრაობაა“ წარმოდგენილი, რომელიც დაფუძნებულია დესტრუქციაზე, სიძულვილზე, ბოროტებაზე და ყველაფერი ცუდი, რაც კი შეიძლება ადამიანმა მოიფიქროს. მე ვფიქრობ, ძალიან რთულია“, – განაცხადა კახა კალაძემ.
საქართველოს პრეზიდენტმა, სალომე ზურაბიშვილმა დემოკრატიის ვირტუალურ სამიტზე სიტყვით გამოსვლისას განაცხადა, რომ როგორც საქართველოს პრეზიდენტი, პირობას დებს, რომ წამოიწყებს ინკლუზიურ პროცესს, საუბარს ეროვნული მასშტაბით, რომელშიც ჩაბმული იქნება მთელი საზოგადოება.