ზუგდიდის საკრებულოს თავმჯდომარე ისევ ვერ აირჩიეს. ქვორუმი ვერ შედგა და საკრებულოს სხდომა ისევ ერთი კვირით გადაიდო. დღევანდელ სხდომაზე, მხოლოდ გახარიას პარტიამ დააყენა თავისი კანდიდატურა. მანამდე სხდომა, პროტესტის ნიშნად `ნაციონალურმა მოძრაობამ~ დატოვა.
„ქართულმა ოცნებამ“ კენჭისყრაზე მონაწილეობის მიღებაზე უარი განაცხადა და აღნიშნა, რომ „საქართველოსთვის“ პარტია ვერ დააყენებს კანდიდატს, რადგან აქვთ მხოლოდ სამი მანდატი, დანარჩენი პარტიები კი უმრავლესობით არიან წარმოდგენილი.
ამ განცხადებას მცირე სიტყვიერი დაპირისპირება მოყვა პარტიებს შორის. ზუგდიდის საკრებულოში 22 მანდატი აქვს „ნაციონალურ მოძრაობას“, 20 „ქართულ ოცნებას“, ხოლო 3 გახარიას პარტიას. პარტიები თანხმდებიან, რომ კრიზისის დაძლევა შესაძლებელია ერთმანეთს შორის კონსულტაციებით და შეთანმხებით, რაც ამ დრომდე მიუღწეველია.
მომდევნო საკრებულოს სხდომა 24 დეკემბერს ჩაინიშნა.