დარწმუნებული ვარ, ირაკლი კობახიძე ძალიან დიდი წარმატებით გააართმევს თავს ურთულეს საქმეს, რასაც პარლამენტის თავმჯდომარეობა ჰქვია, – ამის შესახებ საქართველოს პრემიერ–მინისტრობის მოვალეობის შემსრულებელმა გიორგი კვირიკაშვილმა განაცხადა.
„მინდა ყველა დეპუტატს მივულოცო არჩევა საქართველოს პარლმენტში. დღეს ძალიან მნიშვნელოვანი დღეა. პარლამენტი იწყებს ფუნქციონირებას. ახლა მიმიდნარეობს პარლამენტის თავმჯდომარის არჩევა. ჩვენ წარმოდგენილი გვყავს კანდიდატი საკმაოდ კვალიფიციური, საკმაოდ გამოცდილი სამართალმცოდნეობაში და მნიშვნელოვანი პოლიტიკური გამოცდილებით. მე დარწმუნებული ვარ, ირაკლი კობახიძე ძალიან დიდი წარმატებით გააართმევს თავს ურთულეს საქმეს, რასაც პარლამენტის თავმჯდომარეობა ჰქვია“, – განაცხადა კვირიკაშვილმა.
ამ წუთებში ქუთაისის პარლამენტში მეცხრე მოწვევის პარლამენტის პირველი პლენარული სესია მიმდინარეობს.