ისტორიკოსი სიმონ მასხარაშვილი, რომელიც ნაციონალების მმართველობის დროს მიხეილ სააკაშვილის ფანი იყო, ახლა მას საცოდავს და მშიშარას ეძახის. მასხარაშვილის აზრით, მესამე პრეზიდენტმა თავად შესთავაზა მეუფე ნიკოლოზს რომ ის მონასტერში გადაიყვანონ შინაპატიმრობაში. POSTTV-ის ეთერში საუბრისას მასხარაშვილმა განაცხადა, რომ მესამე პრეზიდენტი სასულიერო პირს აუპატიურებს.
“მიშა არ მეგონა ასეთი საცოდავი თუ იყავი. დაანებე ამ საცოდავ ნიკოლოზს თავი, მას ჰყავს თავისი მრევლი. მიშა, არ მეგონა ასეთი არარაობა და მშიშარა თუ იყავი, დაანებე ნიკოლოზის წვალებას თავი, მღვდელს ნუ გააუპატიურებ. სააკაშვილს რომ ვუყურებ ის ყველაფერზე წავა, ოღონდ კი ციხეს თავი დააღწიოს. არ გამოვრიცხავ, რომ თავი მოიგიჟიანოს. ამის პრეცედენტიც არსებობს. ბოლშევიკმა კამომ რაღაცები შეჭამა, რომ ის გიჟად შეერაცხათ”, – აცხადებს სიმონ მასხარაშვილი.
საინტერესოა, როდიდან არის მიხეილ სააკაშვილი მასხარაშვილისთვის მშიშარა და არარაობა. ახლო წარსულში იმის მტკიცებაში იყო, რომ მიშას მსგავსი მმართველი საქართველოს არ ჰყოლია.