ხალისიანი, ხმაურიანი, ყველაფრის გულთან მიმტანი და ძალიან თბილი გულის კაცი.
სწორედ ამ გულმა უმტყუნა… , – ამის შესახებ კობა ლიკლიკაძემ ფეისბუქში დაწერა:
“დიდო კახა, ჩემო ძმავ”, – ასე ვეძახდი ბავშვობაში. თუმცა ჩვენ შორის სხვაობა 19 თვე იყო, ფიზიკური სხვაობა კიდევ უფრო მცირე. კაი ხანი მე კახას მეძახდნენ, ესეც მასთან მსგავსებით…
კახა, ჩემი ძმა გუშინ გარდაიცვალა…
ხალისიანი, ხმაურიანი, ყველაფრის გულთან მომტანი და ძალიან თბილი გულის კაცი.
სწორედ ამ გულმა უმტყუნა… დარჩა სამი ქალიშვილი, არაჩვეულებრივი მეუღლე და კიდევ დედა, რომელიც ახლა ალბათ ყველაზე უბედური დედაა ამ ქვეყანაზე…
კახას არ უყვარდა ფეისბუკი, მაგრამ იძულებული ვარ ფეისბუკით დავემშვიდობო მას: კოვიდიანი ვერ ვახერხებ სამშობლოში ჩასვლას და უკანასკნელ გზაზე ჩემი ძმის გაცილებას!
მშვიდობით, ძმაო და მომავალ შეხვედრამდე იქ, მაღლა…”, – წერს კობა ლიკლიკაძე.