ნაძალადევის რაიონში, მანჯგალაძის ქუჩაზე არსებულ „სამკუთხედ ბაღს“ რეაბილიტაცია ჩაუტარდა. დასასვენებელი სივრცის ფართობი 780 კვ.მ-ია.
პროექტის ფარგლებში, სკვერში მოეწყო საბავშვო ატრაქციონი, სავარჯიშო ტრენაჟორები, სარწყავი სისტემა, გარე განათების ქსელი, ფილები, ბორდიური, საპარკე სკამები და სანაგვე ურნები; დაირგო ხე-მცენარეები და მოეწყო ბალახის საფარი.
პროექტის ღირებულება 136 429 ლარია. სამუშაოები ნაძალადევის რაიონის გამგეობის დაფინანსებით შესრულდა.
აღნიშნულ მისამართზე საპარკე ინფრასტრუქტურა ამორტიზებული იყო. ახლა უკვე ადგილობრივ მოსახლეობას კეთილმოწყობილი სკვერი აქვს.
კომენტარები