თბილისის მერი ,,სითიპარკთან“ ხელშეკრულების გაუქმებას არ აპირებს, თუმცა ცენტრალურ ქუჩებში მრავალსართულიანი ავროსადგომები აშენდება.
„უკვე სრულდება ტექნიკურ-ეკონომიკური დავალება, რომლის ფარგლებშიც, ქალაქის ყველაზე გადატვირთულ უბნებში 10 მრავალსართულიანი პარკინგი აშენდება. ჩვენს მიერ დაქირავებული კომპანია ამზადებს ტექნიკურ-ეკონომიკურ დასაბუთებას, უმეტესობა მზად არის და როგორც კი დასრულდება ტექნიკურ-ეკონომიკური დასაბუთების მომზადების პროცესი, გამოცხადდება დაინტერესებული კომპანიებისთვის ინტერესთა გამოხატვა, რათა მათ მიიღონ მონაწილეობა კონკურსში. სითი პარკთან გაფორმებული ხელშეკრულება ხელს არ უშლის მრავალსართულიანი პარკინგების მშენებლობას, ჩვენ ამაზე მათთან ვისაუბრეთ“ – განაცხადა დავით ნარმანიამ.
კომენტარები